مدونة محمد جاد الزغبي

أنا شاعر ودى بطاقتى

ولا زلنا نغنى مع مصر المحروسة ,,,,

قالولى تعالى الانتخابات ..

وشارك فى اختيار الشعب

ضحكت وقلت شعبنا مات

وعمره ما ييجى غير بالضرب 

لا فيه فلاح ولا عامل

ولا فيه صوت يقول الحق

ويرحم مصطفي كامل

ويرحم برضه قولة لأ

زمان قمنا مع الثوره

وقلنا عاش بطلنا جمال

أتارى الثوره كات فكره

وعايزه بس طولة بال 

وتيجى منين .. خلاص راحت

على ايدين اللى عملوها

وبعد النصر أهى باظت

وضيعها اللى صنعوها 

وقالوا ننتخب طيار

يطير بينا .. ويجري لفوق

فشد الحبل وحده وطار

وساب شعبه وراه مشنوق 

المزيد

بيقولوا فيه إضراب

بيقولوا فيه إضراب

طب يلا يا أحباب

نضرب دماغنا فى حيط

أصلي إحنا شعب عبيط

فاكرين حكومة الهم

ممكن فى يوم تتلم

بمظاهرة أو إضراب

متفوقوا يا أحباب

عايزين زيادة فهم  

جماهير وعندها دم

حركتها تحيي الأرض

ملايين وروحها فى بعض

مش عشرة أو عشرين

والباقي دول ساكتين

عايشين بنص ريال

راضيين وعال العال

دى حكومة عايزة الشعب

يطلع وينزل ضرب

على كل راس مسئول

ويطفحه من الفول

المزيد

  إهداء للجميع مصريين وعربا

أنا قلت ايه يا بلد

والله عليه العوض

فى الحكم لما يهون

ويمسكه المجنون

بسنين من غير عدد

والله عليه العوض  

وبلدنا من غير ناس

فيها عبيد تنداس

تحلم بلقمة عيش

ما هى كلها حرافيش

وتجيب منين الولد

والله عليه العوض 

مين قال دى مصر النيل

أُم التاريخ موصول

مين قال دى مصر النور

فيها الحجارة تثور

لو يوم حاكمها اتعبد

والله عليه العوض

ليه الإرادة خلاص

راحت مع الإخلاص

ليه الكلام مكسور

المزيد

فى البداية أعتذر عن الإنقطاع طوال الشهور الماضية عن متابعة المدونة

وسيتم بإذن الله النشر المتتابع فى مختلف أنواع الموضوعات وسمات المدونة واستكمال أجزاء الموضوعات المسلسلة

واليوم أضفت سمة جديدة وهى الخاصة بالشعر والزجل الذى أكتبه بعدد فى المنتديات ولكن لم أنشره بالمدونة مكتفيا بطابعها الفكرى

وهذه السمة الجديدة الخاصة بالشعر والزجل الممنوع ستكون خاصة بالقصائد ذات اللون السياسي والفكرى الذى لم تستقبله المنتديات المختلفة أو لم يتم نشره فى الأساس بها نظرا لحساسية موضوعه التى تخالف معظم الخطوط الفكرية لمعظم المنتديات العربية

آملا أن تؤدى الأشعار ما لم تستطع التعبير عنه الأفكار

والبداية اليوم مع زجلية كتبتها إهداء واحتفاء بالعرض المسرحى الفكاهى الجديد

" القمة العربية الجديدة "

والله زمان يا عرب 

والله زمان يا عربْ

من بدرى ما ضحكناش

عرض انهارده انكتبْ

فيه الدخول ببلاش

والضحك فيه للركبْ

على اللى سمع ولا جاش

 مين باع ومين اشترى

يا اللى حكمتوا الناس

وفى قمة الـمـنـظره

ليه القرار محـتـاس

مين اللى جابنا لورا

ولا ده كان وسواس

 وحقول عليه .. فيه مَسْ

وكمان حقول فـتـّان

اللى يقول القــدس

أو يحـكى عن لبـنان

بس تـقـلولى بس

اشمعنى قـلتو إيـران

 هيا اسرائيل دى بعيد

ولا اليهود فى الصين !

ما هو كل شيئ موجود

بس انتوا ليه ناسيين

ولا احنا أصلي عبيد

معلش .. مش فاهمين ! 

لما انتوا أصفي ايدين

والتقوى ماليه الدار

ضامنينها دنيا ودين

طب مين يروح النار ؟!

عجبي على شياطين

راكبة فى مـخ حمار

عاملين عليـنا ملوك

وارثينها من السلطان ..

وانتـوا عبيد تمليك

للـعـَـالم السكران

وساحبكو واد صعلوك

غـربي بنص لـسـان

قاله الكـبـير ده كبير

قلنا الكـبـير ده بايـه

قاله لأنه أمـــيـر

طب وانتوا عايشين ليه ؟ّ

المزيد